Paru le 02/09/2020 | Broché 241 pages
a-raok lenn Ar gêr villiget Yann-Erwan Abalan
« Danevell varzhus ar Vretoned », setu istitl levr Yeun ar Gow, a bled gant istor kevrinus Kêr-Iz. N'eo ket ur romant istorel eta. A-hed al levr e vever en ur bed bet adkrouet gant ar skrivagner, hini donedigezh ar Vretoned en Arvorig, ambrouget gant o sent, a zeu da vezañ diazezourien ar gristenelezh e Breizh. Kontañ a ra an aozer buhez diroll Iziz en o c'hêr gronnet gant mogerioù tev a zifenn anezho ouzh an tonnoù mor, hag a-benn ar fin al liñvadenn vras a gas ar gêr villiget da gousket e donderioù mor glas Douarnenez. Hep mar, ha gant gwir abeg, eo istor Kêr-Iz unan eus brudetañ mojennoù Europa.