Paru le 01/09/2011 | Cartonné 50 pages
A partir de 9 ans
virat en lengadocian per Jòrdi Blanc | illustracions Frédéric Back
«Lo pastre, que fumava pas, anèt cercar un sacon e vogèt sus la taula un molon d'aglans. Se metèt a los espelucar, un puèi l'autre, menimosament, e a destriar los bons dels marrits. Tiravi sus la pipa. Me propausèri per l'ajudar. Me diguèt qu'aquò's èra son afar. Aquò rai : vist cossí i permejava, i tornèri pas. Aquí tota nòstra parlicada.»
A l'occasion d'una longa escorreguda a pè dins un airal desèrt e enermassit de Provença Nauta, l'autor encontra un pastre solitari que plantava d'arbres, d'arbres a milierats.
Brave e pacific, sus de tèrras que son pas quitament seus, fèrm dins son prètzfach, las doas guèrras mondialas e lo vielhum lo fan pas ni dobtar ni abandonar.
Aital, annada après annada, tot una tèrra e tot un país tòrnan a la vida.
Adaptat al cinema per Frédéric Back e produsit per la Television francesa de la societat Radio-Canada, L'homme qui plantait des arbres obtenguèt l'Oscar 1987 del melhor metratge cort d'animacion a Hollywood, e tanben los Grand Prèmis des festivals d'Annecy, Los Angeles, Royan, Hiroshima, Valladolid, Otawa...
