Paru le 01/01/2017 | Broché 146 pages
Tout public
luc'hskeudennoù Gilles Pouliquen
En hañv 1974, en e dri bloaz warn-ugent, e krog an aozer gant un hir a veaj a gaso anezhañ betek Kornôg Afrika. Pemp lizher kaset d'e dud o tanevelliñ darvoudoù ar veaj ha daou-ugent pennad berr, pezh ne lavar ket atav en e lizheroù, a ya d'ober al levr-mañ.
Berr ar gwenneien gantañ en em gavo gant a bep seurt tud vunut, beajourien disheñvel o fal, Afrikaned sichant, merc'hed degemerus hag ivez trafikerien, laeron, maltouterien ha soudarded nec'hus. Ur veaj arvarus a-wechoù, e broioù distabil diouzh mareoù trubuilhet.
Al luc'hskeudennoù a ya gant an destenn zo diwar lagad Gilles Pouliquen, bet o pourmen er memes lec'h hag en em gavet a-wechoù gant ar memes tud.
Ganet e 1951, en deus embannet Lan dTangi un torkad barzhonegoù : Mousafir, e 1997 (priz Langleiz 1998 ha priz Imram 2001) ; daou levr danevelloù : Da Goulz An Avaloù (2001), Diwar An Uhel (2007) ; hag ul levr barzhonegoù ha luc'hskeudennoù gant Gilles Pouliquen Menez Are (2003).