Paru le 01/12/1993 | Broché 181 pages
Public motivé
traduit du latin par Fanch Morvannou
"De optimo reipublicae statu, deque nova insula Utopia vere aureus, nec minus salutaris quam festivus, clarissimi disertissimique viri Thomae mori inclytae civitatis Londinensis civis et Vicecomitis"...
Da lavared eo, er yezh vrezhoneg : "Ar gwellañ stumm kumuniezh politikel a zo, hag enesenn newez Utopia : ul levr hag a dalv aour ewid gwir, ken plijus ha ma'z eo fur, gant an den brudet hag helavar meurbed Tomas mor, keodedour ha besprovost ar gêr vrudet a Londres". Evelse e tigor trede embannadur an UTOPIA, heni Basel (1518)...
Ganet e 1477 pe 1478, e Londres, ez eo bet Tomas mor unan eus henlennegourien an Azginivelezh, gant Pico della Mirandella, Gwilherm Budé..., ha dreistoll ar Roterdamad Dider Erasm : bez'e oa hemañ mignon bras d'hon Londresad. Alkovad, dimezet, hag addimezet goude marw e wreg kentañ, pemp a vugale dezañ (heb ober ar gont eus ar re a varwas bihanig), e teuas Tomas mor da vezañ Kañseller-meur rouantelezh Vro-Saos, e 1529. D'an ampoent e oa Herri VIII a Vro-Saos war ar gador-roue. Felloud a reas dezañ dibriediñ, hag en em lakaad, eñv, e penn Ilis Vro Saos. Ne c'halle ket ar c'hatolik-ha-roman Tomas mor assantiñ da gement-se. Toullbac'het e Tour Londres e mis Ebrel 1534, e chomas ennañ beteg ma voe dibennet (6-VII-1535).
Ugent vloaz araog, e oa Tomas mor o skrivañ an UTOPIA, e latin... N'eus, el levr, netra o roiñ da c'houzoud pe da zivinoud peheni e vefe marw ar skrivagner... Arabad soñjal e vefe Utopia tomas mor un "utopienn", un huñvre na vo anezañ biken e gwirionez ; diwar farsal (kalz), e tiskouez ar skrivagner ar pezh a zo brein en darempredoù o deus an dud kenetrezo war an tamm douar-mañ, med kennig a ra iwe diskoulmoù : ma'z eo red chañch frammoù ar gevredigezh, ez eo ken red all, ma n'eo ket retoc'h, pareañ kalon mabden...
