Paru le 01/01/2012 | Broché 73 pages
rakskrid ha goudeskrid gant Jef Philippe
Erru oa serr-noz 'benn oa diskennet ar c'horf er bez. E oan o teurel warnañ, pa glevis ur vouezh o tont ne ouien eus a belec'h... 'Vel a-zindan ma zreid. Chom a ris a-sav, spouronet. Me'gred e save ma blev a-bik em fenn. Teir gwech e klevis ar vouezh, klemmus evel ur c'harmadenn. Mont a ris 'vit teurel eno ma fal ha tec'hel kuit d'an daoulamm ; met ur sklêrijenn a baras 'n em spered : « An hini zo aze n'eo ket marv ! »
Erwan ar Moal (1874-1957), Dir-na-Dor, eus Koadoud e-kichen Gwengamp, a zo bet unan eus ar re o deus pledet ar muiañ gant ar brezhoneg e hanterenn gentañ an XXvet kantved. Unan eus ar re o deus skrivet ar muiañ e brezhoneg eo ivez. An danevell kinniget amañ a zo lakaet da vezañ unan eus e skridoù gwellañ. Enni ec'h adkaver unan eus perzhioù heverkañ e ijin : ar fantastik.