Collection(s) : Bodlore
Paru le 14/03/2013 | Broché 224 pages
Bilzig
Peseurt brezoneger ne anavez ket c'hoaz Bilzig ? E lennegez Bro-Zaoz ez eus Oliver Twist hag e hini Bro-Hall ez eus Rémi, med ar Vretoned eo kañfard Fañch al Lay an tosta d'o halon : eun emzivad dibikouz, a ra e zeiz gwella evid sikour e voereb Izabel hag e gendirvi, ha pa vefe dao dezañ kleved trouz gand an Aotrou person hag an Aotrou kont gwechou 'zo. Kamaladed a-feson e-neus, hag eur galon aour en e greiz : martolod e vo ! Skrivet en eur yez Treger deuz ar henta troh, bez' ez eo Bilzig eur romant a rank peb brezoneger kaoud en e levraoueg.
Fañch al Lay (1859-1937) a oa bet ganet en eun tiegez peske-têrien e Lokireg. Goude beza bet mous war eur vag-pesketa, e oa eet war ar studi evid mond da gelenner, ha diou dezenn istor 'noa soutenet. Gand e skiant-prenet eo maget Bilzig, gwriziennet-don e Treger-izel, er bloaveziou kent an Dispah Braz.
