Paru le 10/01/2012 | Relié 97 pages
revirat de l'anglés per Patric Guilhemjoan
George, un òmi qui coneish la vita de barruèr e lo son amic Lennie, un òmi gran mes mainadèc, que'n van un drin a la bambòla, en cèrcas de tribalh peus camps de California. N'an pas arren sonque las pelhas que pòrtan e l'espèr que bèth dia e's posquin trobar un endret qui sii lor, tà poder partatjar lo saunei american. Mes los sauneis qu'an un prètz. Lo brave gigant Lennie ne's coneish pas la fòrça e quan tròban un tribalh en un ranch, que's va cercar trebucs dab la nora deu mèste. De taus trebucs que lo son protector George ne'u poirà lhèu pas sauvar...
Dab « Los arrasims de la malícia », « De las soritz e deus òmis » qu'ei l'ua de las òbras mei coneishudas de John Steinbeck, l'un deus escrivans americans màgers deu sègle XXau qui recebò lo prèmi Nobel de literatura en 1962.
