Paru le 15/06/2017 | Broché 166 pages
« Gran vent.
Briu puishant. Que pleava la conca de la vath, subercolava per la seuva e hugèva per aciu en hòra, capsús, per entre las picas.
Au bailinar deu cirso, lo gojat que sarrè las espatlas tà masedar herors. Que's tornè clinar a l'uelh de la honteta tà voler béver enqüèra drin d'aquera aiga qui'u s'escapava de l'amostar, fluïva de per entre los dits de las soas mans juntas, e l'anava banhar las maishèras magras. Que bevó a horlups longs, puish, desassecat, emparant-se a la peira negra qui mercava la hontan, que s'esdrecè. Drin tròp viste lhèu. »
Joan Loís Lavit que'ns balha ací un gran roman istoric, en temps de l'Empèri roman, temps de mudaments e de tribulòcis taus òmis e tà las societats tradicionaus.
