Collection(s) : Camins
Paru le 05/03/2018
roman legut per l'autor
Escura, la nueit : un gran roman d'aventuras qui conta l'itinerari d'un joen montanhòu en temps de l'Empèri roman. Iniciat aus secrèts deus dius, mes hòrabandit deu son vilatge, que deverà descobrir d'autes mondes e patir la violéncia herotja deus Barbares. Après ua corsa hòla de la montanha dinc a la Germania, e tornar, e poderà tornar trobar lo son monde, tau com èra ?
Joan-Loís Lavit, l'autor deu roman, que balha ací la soa votz au raconte. Escotatz-lo e deishatz-ve portar peus plasers de la paraula.
1 CD mp3 - 3 h 33 mn
Vadut dens ua familha occitanofòna, mair regenta e pair obrèr d'usia. L'occitan qu'ei tostemps estat e qu'ei la lenga de la familha. Legedor de bandas dessenhadas e de SF americana, que descobreish la literatura occitana e l'occitanisme a la fin de las annadas 70.
Especializat en ensenhament de l'occitan a l'escòla publica desempuish 1982.
Que's lança dens l'escritura a l'aurèra de las annadas 90. Manejant l'escritura teatrau autanplan com l'escritura de romans e novèlas, qu'ei adara vadut un deus autors occitans de compte har.