Paru le 17/10/2016 | Broché 164 pages
Après los Contes atal en 2006 e las Istorietas del Tucolet en 2011, las edicions Letras d'òc perseguisson la publicacion de las òbras comicas e eroticas d'Antonin Perbòsc, un dels màgers e precioses creators de lenga occitana.
Èra plan temps de tornar balhar als amators e als legeires d'occitan lo plaser de presar los Fablèls calhòls pareguts en 1936 dins una polida edicion de tròp missant trobar a l'ora d'ara.
Antonin Perbòsc, mèstre de lenga e de literatura, nos i fa descobrir la siá finessa d'esperit e la fòrça comica de son escritura.
Portat per la virtuositat d'una lenga mestrejada, lo rire gaujós dels contes e de las fablas s'espandís dins los Fablèls calhòls, inspirats tant pels Fabliaux coma per la paraula populara.
Tota una part amagada de l'òbra torna aital a la lutz, part que l'autor estimava fòrça.
