Collection(s) : Iparluma
Paru le 02/03/2015 | Broché 190 pages
Liburu honetan bi istorio uztartzen dira. Bata fikziozko eleberri hutsa, euskal gazte baten bizitzaren ekitaldi tragikoa. Paraleloan bestea, autobiografikoa, Mikel Dalbretena, autorearen bizipenak. Irakurketak aitzina egin ahala, irakurleak bi zatien arteko hainbat oihartzun, hainbat eite, hainbat lokarri irudikatzen ahalko ditu. Hala ere, bi hitzez, liburu honen aipatzeko, esan daiteke Euskal Herriari maitagune aitormen bat dela.
Euskarazko bertsio hau, pianisten gisan, partizio beretik sortua izan da. Obra berezi hau Maialen Hegi-Lukuk eta Mikel Dalbretek beren adierazpenak doinuan ezarriz idatzi dute.
Mikel Dalbret
1941ean sortu zen, Tunisian. Merkataritzako marina ofizier ohia da eta informatika ingeniaritzan aditu ohia. 1977ko urteaz geroztik artista, margolaria, zizelkaria eta argazkilaria da. 1985az geroztik Euskal Herrian bizi -2008tik Ziburun- eta lan egiten du.
Maialen Hegi-Luku Baionan sortu zen 1987an, eta haur denbora Hazparne inguruetan iragan zuen. Baionan Euskal Ikasketetako masterra lortuz geroztik, euskara eta frantsesa irakatsi ditu heldu eta haurrei. Idaztea eta itzultzea biziki gogoko izanik, Ipar Euskal Herriko egitura publiko batzuetan landu ondoan, itzultzaile autonomo da 2011 urtetik, Baionan.
