Histoire des comtes de Foix, Béarn et Navarre, diligemment recueillie, tant des précédens historiens, que des archives desdites maisons, en laquelle est exactement monstrée l'origine, accroissemens, alliances, d'icelles, genealogies,... d'icelles jusques à Henry III...

C'est donc de vous mesmes, des surgeons de Foix, reietttons de la premiere noblesse du monde, esleuez par leurs hauts trophées, modelle de toute vertu (ô Roy entre les Roys grand Roy) que ma plume hardie ose toucher : combien qu'en ce tableau de vos ayeuls estallé à vos yeux, vous y lirés mes humbles requestes pour excuser matemerité, ayant osé prophaner vos merites par un si pauvre & miserable organe, le suiect estant trop grand, & ma memoire, & artifices trop petits pour clorre les obseruations infinies, qu'a tout propos l'on me feroit esclorre, Et qui pis est a la face de tant & tant d'historiens, qui brauent avec la palme en la maïn, couronnés de vos lauriers victorieux sur le theatre de la verité, au recit des choses qui de plus pres vous attouchent.

Mais moy ayant esté vostre nourrisson, i'ouvre les yeux de l'ame & du corps, pour contempler & admirer en vos benefices mon devoir, & voy impatient un sourd silence des merveilles de ceste maison, tout d'un coup i'en trace ce nouveau crayon, pour en monstrer les semences & premices, ie manie & recultive soigneusement chasque partie d'icelle par la plus pure & seure voye, en laquelle reluira sans doute, une bie autre lumiere, qu'en ces estincelles, qui se voyent comme esteintes aux escrits de ceux qui m'ont precedé.