Collection(s) : A tots
Paru le 01/04/2007 | Broché 227 pages
Dins la familha, arroinada ara, trapatz d'en primièr l'ainat, un afrós, caponàs e mespresable. Butat per una esposa que los escrupuls l'arrèstan pas gaire, vòl vendre qué que còste lo patrimòni de familha. I a tanben lo paire, embarrat gaireben de longa dins lo muditge e sepelit al mai prigond de sos apartaments refregerits que li permèton sols de subreviure al poiridièr que l'agarrís. La mameta, dins son ataüc de contraplacat e un papagai que s'exprimís mai que pus en mòrse. Enfin i a la filha, Lutz ? Es jovenòta e mai o mens autista, çò dison. Aquesta sagà es contada de per dintre per dos narrators despietadoses, dos fetusses dins lor bocal de formòl.
Florian Vernet es nascut a Besièrs en 1941. Ensenhaire, ancian director del departament d'occitan de l'Universitat Paul Valéry de Montpelhièr. A conegut un succès gròs amb sas darrièras publicacions : "Popre ficcion" (Crimis, 2002), "Suça-sang connexion" (Crimis, 2002), "Vidas & engranatges" (A Tots, 2004) e "Que dalle !" (IEO, 2007).
