Collection(s) : Au viu leupard
Paru le 10/04/2021 | Broché 221 pages
Jornal d'un jaquet
Del puèi-de-velai fins a compostèla sul camin de Sant-Jacmes
Saint Jacques de Compostelle à 1474km
Amb aqueste raconte Sèrgi Viaule nos mena suis mitics camins de Sant-Jacme. Cada caminada, cada experiéncia es unica. La seu,complida pendent dos meses e mièg en 2019, es prigondament generosa e poetica. Avèm aqui un jornal tengut jorn per jorn, un raconte a l'encòp imatjat e imaginatiu. Mai que d'una quista personala, es l'evocacion emocionanta d'una introspeccion. L'autor fa de longa l'anar-tornar entre Pendedins e l'endefôra d'un viatge intime e iniciatic. Una peregrinacion que lo marquèt per la vida. Aqueste Jornal d'un jaquet foguèt escrich a passes lents, sus un sendarèl pas totjorn luminôs, per un ideós en cèrca d'estèlas. Libertat, poësia e frairetat son tantas pèiras que marquèron son caminament.
Sèrgi Viaule es sortit d'Albigés e i demòra. A escrich poësias, novèlas e romans. Sa singularitat dins lo cortal de la literatura nòstra es qu'a publicat forces racontes de viatges : Escorregudas en Albigés, Passejada en Escandinavia,Sus las pesadas de Robèrt-Lois Stevenson, Barrutlada en Irlanda e en Gallas, etc. E mai nos porgis a nosautres los legidors del sègle XXIen un occitan natural, de bon comprene, enrasigat dins sa pratica quotidiana de la lenga.
