Collection(s) : Calamaii, prosa corsa
Paru le 01/01/2002 | Broché 129 pages
Quand'edda fù chjara ch'eddu era pà mora di malasorti - i so dita strizzendu i linzoli, i so mani azzichendu i cuverti, i so ghjambi sticchiti insuduriendu i panni - tandu, quasgi pà miraculu, in issu corpu aghjacchitu, si sparsi una stonda di richetu.
Issa calmata, Alzheimer, omu di bon sensu, volsi mettala subitu à prufittu.
Dicidì di fà u bilanciu di a so vita.
Ochja aparti, aspittò ch'è millai d'imaghjini - i ricorda sani di u so passatu sanu - li sbulazzessini in capu, sbucinenduci sottu à u segnu putenti di a paura è di l'affannu - chì cusì era di regula in qualunqua angunia.
Da a perdita d'identita ad a perdita di a lingua, da a perdita di u puliticu ad a perdita di a mimoria, Alzheimer, s'eddu ùn li ni vinissi u pientu, si sbiddicaria forsa di a risa, à leghja issa vintina di nuveddi. Campemuci dunqua incun eddu, chi ci hè da pienghja !
natu di maghju 1968, Paulu Desanti, di Pitretu è Bicchisgià, hè prufissori di lettari è, à tempu, prufissori di lingua è cultura corsa. Hè incaricatu di corsu à l'università di Corsica. Participeghja à spessu in parechji rivisti o ghjurnali isulani : U taravu, A l'asgiu, A spannata, Bonanova. Dui nuveddi soi sò stati primiati da a biennali di a prosa literaria Corsica Sardegna (1995-1996 ; 1996-1997) è stampati in i racolti cullitivi Vicini è Scunfini. Infini, in cullaburazioni incù Filippu Guerrini, scrivi pezzi di teatru chì sò ghjucati da a cumpagnia I Stroncheghjetta : Sciaccati à Shakespeare, Sangue trippette ed identità, Cristu s'hè firmatu in Vizzavona, Tranxène è metafisica.
