Paru le 14/07/2020 | Broché 238 pages
Tout public
revirat del catalan per Sèrgi Viaule e Jòrdi Blanc
« La crisi catalana es una crisi europèa, e pas sonque espanhòla. Met l'Union europèa a l'espròva e l'obliga a demostrar s'es dispausada a situar los interèsses dels ciutadans als dessús d'unes de sos Estats membres. »
Carles Puigdemont
Al referendum entrepachat del 1èr d'octòbre de 2017, Catalonha vòta per son independéncia. Lo president Carles Puigdemont sap que de cara a l'intransigéncia d'Espanha, ven de prene un risc màger. La declaracion simbolica d'independéncia del 27 d'octòbre de 2017, votada pel Parlament catalan, marca la debuta d'una barrutlada que lo mena en exili a Brussèlas e quitament qualques jorns dins una preson alemanda.
Carles Puigdemont, dins sas convèrsas amb lo jornalista bèlga Olivier Mouton, e a travèrs son itinerari personal e son experiéncia politica catalana, espanhòla e europèa, esclaira lo ciutadan europèu sus las motivacions de la volontat d'independéncia del pòble catalan e sa portada : un desir de democracia radicala. Explica cossí pòt èsser una oportunitat per bastir una Euròpa que seriá non pas la dels Estats, de las nacions, o de las regions mas la dels ciutadans.
Carles Puigdemont, jornalista, cònsol de Girona, puèi president de la Generalitat de Catalonha en 2016, exiliat en Belgica e en Alemanha en 2017, es membre del Parlament europeu despuèi genièr de 2020.
Olivier Mouton es jornalista al magazine bèlga Le Vif / L'Express, autor de biografias de Guy Verhofstadt e de Charles Michel, es apassionat de politica e d'Euròpa.
