Serie : Lavar. Vol 19
Paru le 21/11/2016 | Broché 414 pages
Professionnels
Lavar 19
Gant embannidigezh al levr-mañ e sevenomp unan eus al labourioù a lakae Guy Étienne da bouezus kenan, eizh vloaz war-lerc'h Lavar 18 deuet e gouloù e 2008.
Ar pep brasañ eus an notennoù zo gouestlet da respontoù Guy Étienne ha Yann-Baol An Noalleg d'ar goulennoù graet gant Martial Ménard evit sevel e c'heriadur Dictionnaire français- breton, embannet e 2012.
A hent all e vo kavet heuliad labourioù Guy Étienne war e Geriadur ar Vezekniezh hag atersoù Yann-Baol An Noalleg da Guy Étienne evit pengenni Geriadur ar Gimiezh, deuet er-maez e 2008.
Un dra nevez zo da venegiñ : donedigezh ur remziad yaouank war o stummadur, en o zouez diazezerion ar gelaouenn Nidiad, skrivet e brezhoneg kempred.
Diouzh e du e kendalc'h Laorañs Motrot da sevel notennoù war zanvezioù o tennañ d'e vicher skolaer, evel da skouer ar rizhoù raz.
Yann Varc'h Thorel, skolaer en ivez hag embanner An Treizher, a c'houlenn resisadurioù a-zivout krefen yezh, dalc'hmat en amboaz eus an unvaniñ.
