Collection(s) : Flor envèrsa
Paru le 01/11/2017 | Broché 240 pages
revirat de l'anglès per Pèire Beziat
Lo Mond Perdut
Degun crei pas lo Professor Challenger quand ditz qu'a vist en America del Sud quicòm de meravilhós. Las pròvas ? Las a totas perdudas en camin, levât qualques unas que pareisson farlabicadas.
En mai d'aquò i a pas degun sus tèrra de mai rebelut e de mai violent. Lo jornalista Edward D. Malone ne sap quicòm, mas se rebuta pas. Quand se parla d'amodar una expedicion scientifica per anar afortir o denegar los dires del professor, se porta volontari per i anar.
E los vaquí partits, dos professors, un nòble aventurièr e un jornalista a la descobèrta d'un mond perdut. Mas será pas tôt planièr que lor caldrà far la contra a la natura, a las bèstias salvatjas e mai a d'òmes-moninas.
Sir Arthur Conan Doyle, lo paire de Sherlock Holmes, nos convida a far una passejada dins un mond qu'òm auriá cregut avalit. Lo roman a influenciat mai d'una òbra literària o cinematografica coma King Kong e Jurassic Park e es per quicòm dins la fòga populara pels dinosaures.
Espèri, doncas, qu'auretz aitant de plaser de legir aqueste libre coma ieu ai agut de lo revirar.
Pèire Beziat, nascut en 1954 a L'Eissagador, comuna de Vabre dins Tarn, es ara retirât e demòra a Ferrièras (Tarn) ont a passat la màger part de sa vida.