Paru le 10/06/2016 | Broché 319 pages
prefaci Aurélia Lassaque
Libre de pòcha, companh de viatge, mas decò pichòta antologia, aqueste libre presenta un recuelh de 431 poesias chausias d'Emily Dickinson (1830-1886), una granda poetessa americana, que menet una vita solitària en cerchant sensa sosta, a travèrs la contemplacion de la natura e l'introspeccion, çò que s'estrema darreire l'aparença dal mond, çò qu'es universal.
Après sa mòrt foguet publicat un recuelh de 1775 poesias, un messatge liurat a de mans que, per sa mesma volontat, resteron invisiblas a la majora part de si contemporans. Malgrat aquò, l'istòria a volgut que de novàs mans l'agantesson e de segur la Dickinson auria pas jamai pensat que aquel messatge un jorn auria ressonat en occitan.
« Una grasa de lava a chasque instant / me semelha de poar / un cratér puei contemplar / en cò miu lo Vesuvi ». Es dedins nos que chal cerchar e la poesia d'Emily Dickinson nos buta derant nòstra presença, nos achara e nos exòrta embe luciditat e de bòts ironia a cerchar çò que sem, a ren voler « qualquaren de menc de la vastitat ». Decò nos polem l'escotar, aüra, « pas pus luenh d'aicí ».
... a milas legas del romantisme que caracteriza son epòca, Dickinson inventa en solitària la modemitat. Sos mots son precises, ciselats ; decortica lo mond e lo perceb encara melbor que lo percor al dedins de son còs, de tota son « amnaen incandescencia ».
Aurelia Lassaque
Peyre Anghilante, de la Val Maira, una des dotze Valadas Occitanas al Piemont, classa 1983, revira de tèxt en lenga occitana dal 2003. Ten regularament una rubrica de literatura sal jornal online « Nòvas d'Occitània », dont lhi tèxt son publiats e disponibles bèla en audio-lectura sus lo site www. chambradoc.it
A son actiu a la revirada di libres « Simone Weil : pensiers fìlosòfìcs dediats a l'Occitània » - « L'Occitània a pè : da las Valadas Occitanas en Piemont a la val d'Aran en Catalonha » - « En chamin en Occitània : lo jornal de viatge de l'Occitània a pè » - « Votz de Vermenanha e Ges » - « Morres de Vermenanha e Ges » - « Avem Fach un sumi » - « Mamma li turchi » - « Una lenga en chamin : viatge d'una japonesa dins las Valadas occitanas en Itàlia » - « Fremas d'Occitània dins l'estòria » - « Las Valadas Occitanas a pè » - « Lhi Elvés dins la II guèrra mondiala » e d'en darrier « Còntes dal dedins- 16 Racònts clàssics de la literatura europea », tuchi editats da l'associacion Chambra d'òc.
