Collection(s) : Calamaii, prosa corsa
Paru le 09/11/2011 | Broché 93 pages
Tout public
«Ma ancu in i lochi prascelti chì parini tocchi da mazzetta di fata, quiddi più sireni, ci pò nascia a stragi. In i lochi chì certi fatti ùn poni accada chì sò robba di un altrò urbanu chì avaria sviluppatu un altru tippu di salvaticumu : quiddi di l'omi di i cità.
In Galeria, in u 2001, à u mumentu di i vaghjimi, Latifà, 24 anni, ghjovana maruccana addivata quì, ricevi 24 cultiddati murtali da u so babbu. In cor di u paesi di 300 abitanti, à u pedi di sti lochi incantati.
U mutivu di l'assassiniu hè chì si duvia spusà cù unu di u lucali. Latifà è Petru duviani fà un coppiu degnu di a maghjina di u Fangu chì si lampa in Galeria in i bracci di u Meditarraniu.
«Avemu listessi antichi» dici u pueta. Ma issa tarra di cuntrastu ch'idda hè a Corsica ci rammenta sempri, fussi in paesi o in cità, chì u Meditarraniu o puri u mondu, fermani à custruì.»
Originariu di Bonifaziu, Alanu Di Meglio hè prufissori à l'università di Corti. Insegna in a filera di studii corsi di l'università ma supratuttu à l'IUFM di Corsica (Institutu di furmazioni di i maestri) induva hè rispunsevuli pedagogicu di a furmazioni bislingua di i futuri prufissori di scola.
Autori, pueta è parulieru, hà scrittu parechji canzoni par varii gruppi è cantadori corsi. Premiu di a nuvella RCFM in u 1989, hè statu torna primiatu in 2009 da u «Premiu di u libru corsu» par a so racolta di puisia Vaghjimi spizzati. Una parti di a so pruduzzioni puetica hè tradutta in parechji lingui è sparta in parechji lochi di u Meditarraniu.
Si faci quì crunachista denduci à leghja l'insemi di i so biglietti culturali radiofonichi intesi nantu à l'ondi di a Friquenza Mora in l'anni 2009 è 2010.
