Collection(s) : A tots
Paru le 01/07/2014 | Broché 107 pages
Man Trobat
Man Trobat nos conta, dins la dralha de las novèlas picarescas espanhòlas e occitanas, l'istòria d'un jovenàs pro perdut dins la granda Babilonia, una megalopòli contemporanèa. Coma ò escriu Gabrial dins son assaber : « Un jove vagant sens ambicion, sens passat e crestat d'avenidor, sens relacions sincèras si que non virtualas. Copat de la natura, pivelat per çò que ne demòra. Un picaro contemporanèu en cèrca d'emplec, e que se viu coma una rabasta qu'entrepacha l'ande del monde. Inapte al bonur de çò qu'apren pas res dels embolhs encontrats. Incapable de s'enriquir tant materialament coma intellectualament emai moralament ». Un biais de delargar, a travèrs el, una critica canina de la societat nòstra.
Alem Surre Garcia, d'origina occitana e galiciana, es nascut a Carbona en 1944. Novelaire, poeta, dramaturg, libretista, assagista. Traductor de Max Roqueta, Joan Bodon e Bernat Manciet. D'unas òbras seunas son estadas reviradas en alemand, anglés, polonés, castelhan, catalan, arab, persan. Es tanben organizator d'eveniments interculturals, cronicaire e conferencièr.
