Collection(s) : Iparluma
Paru le 02/11/2015 | Broché 231 pages
Tout public
préface Xarles Videgain
« Tierra de diversidad - Nafarroa anitzaren » aurpegi batzuk marraztu ditut, bidearen eta hitzaren arteko ezkontza bat bezala moldatu nahiz. Santiagoko Bidea, Orreagatik Bianara berregin dut, beste bi » beilari », François Villon eta Barkoxeko Etxahun (« gure Villon », dio Zaitegik) gogoratuz noiztenka. Hiru hiritan ibili naiz, jakin-min kartsu eta alderdikari batean. Iruñea « gurea » zeharkatu dut han edo hemen : Iruñea, gisa batez Erregeen egoitza baino gehiago teokrazia katoliko baten ontasun izana. Lizarra, bere eremu umilean, historia baten eta edertasunaren jabe paregabea. Tutera, Ebro emankorraren urek milikatua. Hiru monoteismoen arteko tolerantzia errealistak eraikia bezala. Eta euskararen misio-lur. Irati ibaia jautsi dut, egin ahala hurbiletik, baina gehienetan « otomilez », oihan atlantikoetatik abiaturik mediterraneo kutsuko lur idorretan helduz, Zangotzaren atarian Aragoi ibaiari gomendatzeko. Eta Bardeetan ibili naiz, bakarde faltsu batean, ezustezko florak eta faunak hartzen duten desertu jorian. Bururatzeko, Arguedas- Argetas-ko « Hernani » ostatuan, markatu nauten pentsalari batzuekin jostatu naiz. Plazer hutsez.
Piarres Aintziart
Heleta Kaminoan sortua, 1937-ko maiatzaren 26 an. Ikasketak Baionan, apezpikutegiko kantorean, gero Uztaritzeko Semenario ttipian. Teologia ikasketak Parisen, filosofikoak Bordelen. Ortesen latin eta filosofia erakasle. Peio eta Xabiñaren aita. 1996-tik 2000 arte IKAS-en lehendakari-orde. 2003-tik 2012 arte, Euskaltzaleen Biltzarraren lehendakari. Artikulu filososifikoak, euskaraz, erakaskuntzarako. Mintzaldi zenbait, euskaraz : « Jansenismoa Baionan. Postmodernitatea... » Bost liburu idatzi ditu : Euskal Herrian bizikletari (Maiatz 1989), Biziaren bazterrean (Maiatz 1992), Santiago Oinez (Elkar 2000), Azken apeza (Elkar 2005), En marge de la vie (Jakin 2011).
