Collection(s) : A tots
Paru le 27/11/2014 | Broché sous jaquette 79 pages
Ont'a passat ma planeta ?
« Per sobra de maganha, l'i a un messatge sus mon ordinator. Lei « responsables » de la Mission (aquelei putas auràn trobat lo remèdi, sensa me dire ren), an decidit que dins lei très jorns que venon deurai tornar sus ma fusada ! Ajustan que devi pas mancar lo Module que me vendrà quèrre se vòli pas demorar ad vitam aternam faidit sus Terra. D'èstre un emigrat, es pas aquò que me lanha, mai la marrida maniera. »
Quand venètz de la planeta XAC sus tèrra per sauvar vòstra planeta, e qu'avètz de poders subrenaturaus, tôt va ben. Mai de qu'a ben poscut arribar per que nòstre extraterrèstre se retròbe entre Geneva e Marselha, en companha de Glaudi Barsòtti, dins una veitura menada per Mariana, una tòp-modèle, ambé la Mafià a l'après ?
Florian Vernet es nascut a Besièrs en 1941. Foguèt longtemps ensenhaire de castilhan e d'occitan, puèi formator dins l'academia de Niça, puèi Director del departament d'occitan de l'Universitat Pau Valéry de Montpelhièr.
Ont'a passat ma planeta ? foguèt publicat en fuelheton dins lo jornal La Marselhesa en 1995.
