Paru le 07/12/2022 | Broché 215 pages
Tout public
Las Passejadas toponimicas de Pau Fabre : un polit libre de toponimia occitana. Escrich en lenga occitana de cap a cima, çò qu'es novèl e signe de la dignitat de l'occitan que pòt èsser, de vertat, lenga d'estudi e de descobèrta.
L'autor a volgut e sabut escriure un libre serios e de bon legir dins un lengatge simple, mas sas Passejadas toponimicas demoran pasmens un libre vertadièrament sabent.
E mai saberut, Pau Fabre se sap rire e se trufa de las explicacions trop imaginativas e fantasiosas qu'òm tròba tot còp e corregís amb vigor las errors dels mièges sabents o dels que se vòlon creire sabents.
Al long d'un seissantenat de cronicas, las Passejadas toponimicas de Pau Fabre son, fin finala, un viatge amorós per las sèrras, las combas e las vals, al briu de las aigas, en caminant per vilatges e vilas del País d'òc.
Pau Fabre, prèmi Albert Dauzat de la Société Française d'Onomastique, ancian professor de l'Universitat Paul Valéry de Montpelhièr, es un especialista reconegut de toponimia. Es tanben l'autor e l'editor de mantuns obratges dedicats a la literatura e a la lenga occitanas.
