Paru le 07/11/2022 | Broché 78 pages
traduit de l'islandais par Pierrette Kermoal
Pirc'hirin ar menez
« Ar gerzhadenn-mañ a oa evel ur varzhoneg hollgaer, desket dindan eñvor, hag a vane en ho kwad. »
Sed a soñje ar mesaer Benedikt, ar benndudenn, en ur vont etrezek ar menezioù goloet a erc'h, e skleur al loar hag ar stered.
Skoazellet gant e gi Léo hag e dourz Roc'h, ez a bep bloaz, da vare an azvent, da glask an deñved dianket, chomet war-lerc'h er menezioù, p'eo bet dastumet an tropelloù, en diskar-amzer. Ar romant a zo danevell ar c'hlask-se.
Ur varzhoneg hollgaer eo an oberenn a-bezh, a lak levenez da ziwanañ e kalon al lenner.
Gunnar Gunnarsson (1889-1975 e Reykjavik) zo etouez skrivagnerion veur Island en XXvet kantved. Barzh e oa, aozour kevellennoù ha romantoù niverus. E romant Advent (Pirc'hirin ar menez), embannet e 1936, a voe skrivet e daneg : dindan veli Danmark e oa c'hoazh Island er mare-se. Goude e voe embannet en islandeg, ha troet eo bet bremah e meur a yezh. An darn vrasañ eus oberennoù Gunnar Gunnarsson a dremen en Island.