Paru le 01/01/2000 | Broché 171 pages
troet e brezhoneg gant Y. Dresen | kentskrid gant R. Hemon | skeudenn. gant G. Robin ha R.-Y. Kreston | notennoù ha pennad-studi evit an adembannadur-man gant Aline Gleoneg
Unan eus palioù Gwalarn a oa kinnig d'ar Vretoned, en o yezh, oberennoù meur ar bed. Gant Drezen e voe dibabet lakaat e brezhoneg, da gregiñ ganti, daou eus pezhioù-c'hoari Aesc'hulos. Da ziskouez ar bri a zouge d'ar seurt striv, e reas Roparz Hemon un embannadur kaer eus « Prometheus ereet » hag « Ar Bersed », gant koadengravadurioù diwar zom R.-Y. Kreston ha Jorj Robin (1928) : ar pep bravañ anezhañ a vo adkavet en hol levr.
Lennegel eo troidigezh Youenn Drezen, bet desket gresianeg kozh gantañ e-pad an hir vloavezhioù tremenet e manatioù Euskadi ha Kastilha. Sell ar Skiant a zo taolet warni gant Aline Gleoneg, a zegas da heul notennoù koulz hag ur pennad-studi war ar c'hoariva en Hellaz kozh.