Paru le 15/11/2023 | Broché 131 pages
revirada a l'occitan de Patrick Sauzet
Racontes a Sotavotz
Brèus racontes, concentrats del mond e de l'òbra de Chabròl : l'engatjament, la revòlta, resistenta o camisarda, l'atencion fina a la vida e a la riquesa d'arma de las simplas gents. La Cevena, coma ditz Chabròl : non pas per ne negar la complexitat, mas per donar a son país la proximitat d'una persona que parla per sa boca. Una votz que nos parla de mai prèp que dins los romans. De l'autor, dels sieus e de sa familha, los racontes s'entrenosan. Una contaira de mameta que tornam trobar faseira non-parièira de sopa. Sos parents, de sas amors de jovença a sa vida de regents e a l'educacion de lor filh. L'oncle calossut tornat del chaple de 14-18, lo linge cosin que pefona. L'autor el meteis autor que monta al Maquís rejónher los gaullistas e que s'i endeven comunista, dins una fraternitat ont se costejan Occitans, Espanhòls, Poloneses... e mai Alemands. E las Cevenas de cambiar : de pèrdre sos còdes tradicionals o d'aculhir de novèls abitants, dins un edonisme erotic o lo drama d'una amor sens asuèlh.
Joan Pèire Chabròl (1925-2001) : nasquèt e moriguèt dins las Cevenas, mas visquèt longtemps dins la region parisenca ont trevèt artistas (Brassens, Ferré, Mouloudji) e escrivans (Aragon, Mac Orlan). Jornalista e dessenhaire a L'Humanité, que quitèt après l'invasion d'Ongria en 1956, se faguèt puèi conéisser coma escrivan (Les Fous de Dieu, la trilogia Les Rebelles o Le Canon fraternité). Amb Caminarem (1978) e Claudi Marti donèt la paraula, sovent en occitan, als vinhairons revoltais. En 2000, encara e tornarmai, contava las Colères en Cévenne...
Patric Sauzet : professor emerit a l'universitat de Tolosa 2 - Joan Jaurés. Lingüista, pensa que son rôtie es pas sonque d'estudiar la lenga mas de la far viure. Sas raices cevenòlas, l'an butat a revirar los Contes a sotavotz, primièr per sa filha, e ara, encoratjat pel quite Joan Pèire Chabròl, per escrich e per totes.
