Paru le 09/11/2010 | Broché 77 pages
A partir de 14 ans
Kenderc'hel a ra lagad an heol da skediñ hardizh war maezioù Bro-Leon don. Gwiskañ a ra Annaig lunedoù du. 'Benn ur c'hardeur kreñv ec'h erruo e Kerneblec'h. Anaout a ra mat-kenañ boazamantoù an ti : ne vo ket echuet e labour war-dro ar saout gant Ronan. Chom a raio-hi da c'hortoz he breur pellik amzer 'barzh ar gegin, asambles gant he mamm, ha kaozeal a raint eus traoù didalvez nemetken. N'eo ket ganti e ouezo hiroc'h, yantao.
Pemp danevell hir, o kinnig kasoni ha karantez. Pemp skrid liammet gant an douar, an Istor, ar vro, skeudennet enno tudennoù kreñv. Pemp istor tost deus ar bobl, kontet gant lusk ha fent evit plijadur an holl.
