Paru le 01/03/1996 | Broché 226 pages
troet e brezhoneg gant Per Denez hag Ernest ar Barzhig
Derc'hel a ra Hor Yezh da embann « romantoù breizhat » Paol Feval (1817-1887) - ur skrivagner ampart hag a oar frammañ un danevell en ur vro tost d'e galon, bro-Roazhon. Dont a ra « Valentina a Roc'han » evel un heuliad hag ur c'hlozadur d'« Ar Vleizez » embannet e 1995. Eno e vo displeget an tonkad eus Valentina, eus he zad barnet d'an harlu, eus he merc'hig hag he niz argaset o-daou eus o zi gant un tad-kozh aheurtet, eus Josilin Gitan ar c'heneil feal, Sant-Mogon ar pried kerseet hag ar c'hont a Doulouz, dileuriad ar roue gall e Breizh. Intret eo ar romant gant karantez Paol Feval evit Breizh hag ar frankiz... E framm sebezus kêr ha bro Roazhon, un tri c'hantved 'zo bennak...