Paru le 15/11/2019 | Broché 263 pages
brezhoneg gant Kristian Braz
Ofiser eo bet Moran e-pad brezel dizalc'hidigezh Iwerzhon, ha chomet c'hwerv ha dibourvez war-lerc'h. Un intañv brouezek hag otus eo, gwaz war e zomani bihan hag e veuriad. Daoust ma vezont spontet alies gant e zoare feuls e chom e deir merc'h hag e eil gwreg tost o c'halon dezhañ, bremañ p'emañ Moran o koshaat da vat.
Ar romant-mañ, embannet e 1990, a zo bet lakaet da bennoberenn ar skrivagner John McGahern (1934-2006), unan eus gwellañ skrivagnerien Iwerzhon en XXvet kantved.
Ganet e gwalarn ar vro war un atant vihan, McGahern a oa nez-tost d'e vamm, a varvas pa ne oa nemet dek vloaz ar paotr. Padal, start-tre e oa e zarempred gant e dad, an den feuls poltredet gantañ en e levrioù (The Barracks, The Dark, Amongst Women,).
Kregiñ a ra John McGahern da labourat evel skolaer met rankout a ra dilezel e bost pa vez berzet e levr kentañ The Dark (1965), sañset gadal e Iwerzhon ar mareoù-se. Ouzhpenn-se ez eo dimezet gant un estrañjourez dibriedet ha nann-katolik. Kement-se agonto diwezhatoc'h en e romant The Leavetaking. Divroañ a ra neuze da Vro-Saoz a-raok dont en-dro gant e wreg, bloavezhioù war-lerc'h, da zerc'hel ur feurm vihan en e vro c'henidik, e-lec'h ma skrivo e zaou romant diwezhañ, Amongst Women (1990) ha That They May Face the Rising Sun (2001), koulz hag e eñvorennoù (Memoir, 2005).
Ouzhpenn e romantoù e vez meulet McGahern evit e zanevelloù, ha graet « Tchekhov Iwerzhon » anezhañ. Embannet en deus ivez pezhioù-c'hoari evit ar skingomz, ar skinwel hag ar c'hoariva.
Merket don eo bet ar skrivagner gant e vugaleaj ha gant maezioù kalet ha gaonac'h kontelezhioù Leitrim ha Roscommon, gant ar bed mirour ma oa kresket ennañ ha gant pouez spontus ar relijion war buhez an dud. N'eo ket souezh neuze ne vefe kavet tamm blaz romantel ebet gant e skridoù, poltred ur vro rust ha garv ne lavaran ket.
