Collection(s) : Roll-diroll
Paru le 13/02/2010 | Broché 103 pages
Evito da veza yaouank, bez' e hell an dud kaoud beh e-leiz... En o darempredou, en o labour, en o huñvreou... Poltredou yaouankizou en arvar eo e-neus livet Frank Bodenes amañ, paotred ha merhed a glask penn d'o zonkad, a stourm war ar pemdez, a gouez er gwallhuñvre, gwechou zo. "Luduennig" pe Abigail, Silvestrig pe Gregori, setu harozed Frank Bodenes, kamm-jilgamm o hent er bed modern. Fent da heul ive, mesk ha mignoniez, evel en danevellou "en va zamm lokennig plakoplastret" hag "a vil-ivern". Eur yez pinvidig ha c'hwek a zo d'ar skrivagner yaouank, a bed al lenner en e ved leun a ijin dihortoz.
Frank Bodenes zo bet ganet e 1971, hag e Brest ema o chom. Krog eo al lennerien d'anavezoud anezañ mad peogwir e-neus embannet "Kaz dall, ki tomm, tomato sketchop" gand Emgleo Breiz dija, ha kalz kronikennou e-neus bet savet evid ar gazetenn "Ya !".
