Paru le 23/06/2017 | Broché 111 pages
Tout public
revirada Pierre-Louis et Jean-Luc Gag
Li mai bouòni receta
de la Countéa de Nissa
La courtura nissarda es ben viéua e la couhina resta una part essenciala dóu patrimoni de la Countéa de Nissa. Es tra lu cours de couhina nissarda qu'ourganisa en l'assouciacioun Nissart Per Tougiou, que Denis Bensa, l'autour, trasmete la siéu passioun. Emb'aquel oubrage e li siéu desena de receta, partirès au rescontre dei diferent proudutour loucal, durberès li pouòrta dei bouòni taula de la Countéa e anerès partajà l'intimità culinària d'una vera maigran couhinièra ! Aquèu libre es l'aboutissament de numerouhi annada d'escambi assouciatiéu, d'eritage familial e de pràtica proufessiounala de la couhina. A cada receta, l'autour vous pilha per la man, v'acoumpagna pas à pas e, se fa besoun, vous mouòstra per l'image li tapa essenciali de la realisacioun dei siéu plat lu mai bouòi.
Quoura es estudiant en Drech, Denis Bensa mete lou pen en l'univers de la couhina per « aredounì li siéu fin de mes ». Finalament, lou virus de la couhina lou pilha e dechida d'abandounà lu siéu estudi per travaià en lu diferent aspet de la restauracioun. Segon set an de fourmacioun, que li a coustejat la realità de la couhina, dóu servici e dóu bar. L'eritage familial lou raganta après e retourna au Drech, vist qu'es à l'Ordre dei avoucat qu'ouficìa ahura, luen dei fournèu.
Amourous de la siéu vila, dechida de s'implicà en la vida assouciatiéua e fa la chausida de Nissart Per Tougiou, per viéure la cultura nissarda putò que de la laissà au musèu.
Mens d'un desenau d'an pus tardi, l'ounour li es fach d'oucupà la plaça de viche-president de l'assouciacioun ai coustà de Jean-François Marro, lou Président. L'assouciacioun proupausava de cours de nissart, de dansa e de teatre, mancava la couhina. Es naturalament que proupausa d'assegurà, un còu cada mes, un apountament d'escambi culinari. Naissut d'une vièia familha nissarda, a jamai laissat de coustà lou siéu amour dóu « ben manjà » embé de prouduch dóu terraire. Sa maigran e soun paire li an sempre trasmès lou plesì de la couhina, sìa per de simple plat o per de preparacioun mai longui.
